जेठ ११, काठमाडौँ । अमेरिकाको टेक्सास राज्यमा एक विद्यालयमा भएको बन्दुक आक्रमणमा १८ बालबालिका र एक शिक्षकसहित कम्तीमा २१ जनाको मृत्यु भएको छ । युभाल्ड़ीस्थित दुईदेखि चार कक्षासम्मको पढाइ हुने रोब प्राथमिक विद्यालयमा उक्त आक्रमण भएको हो ।
आक्रमणमा आक्रमणकारी १८ वर्षिय साल्भाडोर रामोस पनि मारिएको जनाइएको छ । बन्दुकधारीले विद्यालयमा आक्रमण गर्नु अघि आफ्नै हजुरआमालाई गोली प्रहार गरेको जनाइएको छ । तर, उनी भने बाँच्न सफल भएकी छन् ।
केही वर्षयता अमेरिकी विद्यालय मास सुटिङको निशाना बन्दै आएको छ । यस वर्ष मात्र २७ यस्ता घटना विद्यालयमा भैसकेका छन् ।
राष्ट्रपति जो बाइडनले मृतकहरूको सम्झनामा तीन दिनसम्म राष्ट्रिय झन्डा आधा झुकाउन निर्देशन दिएका छन् । एजेन्सी
