Tag: त्रिभुवन अन्तर्राष्ट्रिय विमानस्थलमा नयाँ भवनसहितको पार्किङस्थल बनाइयो

फागुन ८,काठमाडौँ । त्रिभुवन अन्तर्राष्ट्रिय विमानस्थल कार्यालयको सर्भरमा समस्या देखिएको छ। सोमबार दिउँसो सर्भरमा समस्या देखिएसँगै अन्तर्राष्ट्रिय उडान प्रभावित भएको कार्यालयका सूचना अधिकारी गणेश आचार्यले बताए। ‘डेढ घण्टादेखि सर्भरमा समस्या आएकाले प्राविधिकहरू बोलाएका छौ’उनले भने, ‘मोबाइल डेटा कम्युटरमा कनेक्ट गराएर हटस्पटमार्फत भएपनि प्रयास गरिरहेका छौं। अहिले सेवा निकै सुस्त चलिरहेको छ।’ पछिल्लो केही समययता अध्यागमनको सर्भरमा पटक-पटक समस्या देखिन थालेको छ। करिब एक महिनाअघि पनि सोही समस्याका कारण उडान प्रभावित भएको थियो।

चैत १०, काठमाडौं । त्रिभुवन अन्तर्राष्ट्रिय विमानस्थलको सञ्चार उपकरणमा समस्या आएपछि बिमान उडान अवतरण केही समय प्रभावित भएको छ । बिहान ६ बजेदेखि उपकरणमा समस्या देखिएपछि उडानमा केही समय प्रभावित भएको विमानस्थल कार्यालयले जनाएको छ । विमानस्थल कार्यालयका अनुसार राडारमा समस्या देखिएको हो । “लाइनमा ट्रिप गएपछि समस्या देखिएको थियो । राडारमा समस्या देखिँदा केही समय उडानमा समस्या भएको थियो । तर, अवतरणमा समस्या भएन,” विमानस्थल कार्यालयलका प्रवक्ता टेकनाथ सिटौलाले भने, “पाँचपाँच मिनेटको अन्तरमा हामीले उडान गर्यौं । अहिले समस्याको समाधान भइसकेको छ ।” उपकरणमा समस्या देखिएपछि विमानस्थल कार्यालयले वैकल्पिक…

पुस १६, काठमाडौं । काठमाडौं उपत्यकामा बिहानैदेखि बाक्लो हुस्सु र कुहिरो लागेका कारण त्रिभुवन अन्तर्राष्ट्रिय विमानस्थलबाट हुने सबै खाले उडान रोकिएका छन् । भिजिबिलिटी कम हुँदा आन्तरिक र अन्तर्राष्ट्रिय दुवै उडान बन्द भएको विमानस्थल कार्यालयले जानकारी दिएको छ । मौसम सफा नभइ कुनै पनि उडान तथा अवतरण गर्न नसकिने विमानस्थलले जनाएको छ । अहिले केही अन्तर्राष्ट्रिय एयरलाइन्सले अवतरणको प्रयास गरेपनि सफल हुन सकेको छैन । अहिले देशका धेरै स्थानहरूमा हुस्सु र कुहिरो लागेको जल तथा मौसम विज्ञान विभागले जानकारी दिएको छ ।