कार्तिक १९, काठमाडौं । नेपाली कांग्रेस दोलखाका सभापति बर्मा लामासहित १८ जनालाई जुवाखालबाट प्रहरीले समातेको छ । जुवा खेलिइरहेको अवस्थामा उनीहरुलाई पक्राउ गरिएको हो । लामा हालै जिल्ला अधिवेशनबाट सभापति निर्वाचित भएका हुन् ।
बिहीबार राति सागर लामाको प्ल्याटमा जुवा खेलाइरहेको भन्ने गोप्य सूचनाको आधारमा छापा मारेको प्रहरीले बौद्धस्थित नयाँ बस्तीबाट उनीहरु पक्राउ गरेको हो । जुवा खेलाउने सागर लामा भने फरार छन् । उनले आफ्नो फ्ल्याटमा जुवा खेलाउने गरेको प्रहरीको भनाइ छ ।
महानगरीय प्रहरी परिसर काठमाडौँका एसपी रमेश बस्नेतले जुवाखालबाट ६ लाख १३ हजार ५ सय रुपैयाँ बरामद भएको जानकारी दिए ।
