बैशाख १६, इलाम । इलाम २ को उपनिर्वाचनको मतगणनामा नेपाली कांग्रेस अग्र स्थानमा रहेको छ भने नेकपा एमालेले पछ्याईरहेको छ । फाकफोकथुम गाउँपालिकाको मतदान केन्द्रबाट सुरु भएको मतगणनाको पछिल्लो विवरणमा कांग्रेसका डम्बरबहादुर खड्काले ११४५ र एमालेका सुहाङ नेम्वाङले १०६३ मत पाएका छन् । स्वतन्त्र उम्मेदवार डकेन्द्र थेगिमले ३११ मत पाएका छन् भने चौथो स्थानमा रहेका राष्ट्रिय स्वतन्त्र पार्टीका उम्मेदवार मिलन लिम्बुले २०९ मत ल्याएका छन् ।

बैशाख १६, इलाम । उपनिर्वाचन अन्तर्गत इलाम २ को प्रारम्भिक मत परिणाम सार्वजनिक भएको छ । जसअनुसार यो समाचार तयार पार्दासम्म १२९७ मत गणना भएको छ । गणनामा नेकपा एमालेका उम्मेदवार सुहाङ नेम्वाङले लिड गरिरहेका छन् । जसअनुसार सुहाङले ४५५ मत पाएका छन् । उनलाई काँग्रेसका डम्बर खड्काले ३३५ मतसहित पछ्याइरहेका थिए । यस्तै, तेस्रो स्थानमा स्वतन्त्र उम्मेदवार डेकेन्द्र थेगिम छन् । उनले ४०१ मत पाउनुभएको छ भने चौथो स्थानमा राष्ट्रिय स्वतन्त्र पार्टीका उम्मेदावर मिलन लिम्बु छन् । उनले ८६ मत पाएका छन् ।

बैशाख १६, काठमाडौँ । राष्ट्रपति रामचन्द्र पौडेलले लगानी सहजीकरणसम्बन्धी केही नेपाल ऐनलाई संशोधन अध्यादेश, २०८१ जारी गरेका छन् । तेस्रो लगानी सम्मेलन सुरु भएकै दिन जारी उक्त अध्यादेशमार्फत लगानीकर्तालाई लगानी प्रवद्र्धनका लागि थप सुविधा होस् भन्ने उद्देश्यले लिइएको छ । अध्यादेशले लगानीकर्ताबाट सञ्चालन हुने आयोजनामा जग्गाको मुआब्जा निर्धारण गर्दा रजिष्ट्रेसन प्रयोजनका लागि निर्धारण गरिएको न्यूनतम मूल्याङ्कनको तीन गुणाभन्दा बढी मुआब्जा रकम निर्धारण नगरिने व्यवस्था गरेको छ । नेपाल सरकार मन्त्रिपरिषद्को सिफारिसमा राष्ट्रपति रामचन्द्र पौडेलद्वारा जारी विज्ञप्तिमा लगानी प्रवद्र्धन गर्ने कार्यलाई सहजीकरण गर्न केही नेपाल ऐनलाई संशोधन गर्न वाञ्छनीय भएकाले सङ्घीय…